ആസ്ട്രോ സമ്മര്‍ സ്കൂള്‍ ആദ്യബാച്ചിന് ആവേശകരമായ പങ്കാളിത്തം

ആസ്ട്രോ തിരുവനന്തപുരം ഘടകം ഹൈസ്കൂള്‍ വിദ്യാര്‍ത്ഥികള്‍ക്കായി  സംഘടിപ്പിച്ച ജ്യോതിശാസ്ത്ര സമ്മര്‍ സ്കൂളിന് ആവേശകരമായ പങ്കാളിത്തം. നാല്‍പ്പതോളം കുട്ടികള്‍ ഈ പരിപാടിയുടെ ആദ്യ ബാച്ചില്‍ പങ്കാളികളായി.പി എം ജി യിലെ ശാസ്ത്ര സാങ്കേതികമ്യൂസിയത്തില്‍ വച്ചു നടന്ന സമ്മര്‍ സ്കൂള്‍ ആദ്യബാച്ച് ഇന്ന് സമാപിച്ചു.

DSC00643

ഏപ്രില്‍ 21 തിങ്കളാഴ്ച വൈകിട്ട് 5 മണിയ്ക്ക് ശാസ്ത്ര സാങ്കേതിക മ്യൂസിയം ഡയറക്ടര്‍ ശ്രീ. അരുള്‍ ജറാള്‍ഡ് പ്രകാശ് പരിപാടി ഉദ്ഘാടനം ചെയ്തു. തുടര്‍ന്നുള്ള ദിവസങ്ങളില്‍ ജ്യോതിശാസ്ത്രത്തിന് ആമുഖം, പ്രായോഗിക ജ്യോതിശാസ്ത്രം, സൗരയൂഥം, നക്ഷത്രങ്ങളുടെ കഥ, നമ്മള്‍ കാണാത്ത പ്രപഞ്ചം, ഇന്‍ഡ്യയുടെ ചൊവ്വാദൗത്യം എന്നീ വിഷയങ്ങളില്‍ ക്ളാസ്സുകളും ഓരോ ക്ളാസ്സുകളേയും തുടര്‍ന്ന് പഠനപ്രവര്‍ത്തനങ്ങളും ഉണ്ടായിരുന്നു. ശരത് പ്രഭാവ്, അതുല്‍ ആര്‍.റ്റി, അനിരുദ്ധ്, വൈശാഖന്‍ തമ്പി, ‍ഡോ. അനന്ദ് നാരായണ്‍, കിരണ്‍ മോഹന്‍ എന്നിവരാണ് യഥാക്രമം ക്ളാസ്സുകള്‍ നയിച്ചത്. പഠനപ്രവര്‍ത്തനങ്ങള്‍ക്ക് ശ്രീ. കൃഷ്ണ വാര്യര്‍ ഉള്‍പ്പടെയുള്ള മുതിര്‍ന്ന ജ്യോതിശാസ്ത്ര പ്രചാരകരുടെ മേല്‍നോട്ടവും ഉണ്ടായിരുന്നു.

ഇന്ന് രാവിലെ നടന്ന സമാപന ചടങ്ങില്‍ ISRO യിലെ സീനിയര്‍ സയന്റിസ്റ്റ് ശ്രീ. കുഞ്ഞിക്കമാരന്‍ മുഖ്യ അതിഥി ആയിരുന്നു. പരിപാടിയുടെ ഫലപ്രാപ്തി അളക്കാനുദ്ദേശിച്ച് ഒരു ക്വിസ് മത്സരവും ഒപ്പം നടന്നു. കുട്ടികള്‍ എല്ലാവരും മികച്ച പ്രകടനം കാഴ്ചവച്ചു. ശ്രീ. കുഞ്ഞിക്കമാരന്‍ പങ്കെടുത്തവര്‍ക്കുള്ള സര്‍ട്ടിഫിക്കറ്റുകളും റിസോഴ്സ് സീഡീയും ക്വിസ് മത്സര വിജയികള്‍ക്കുള്ള സമ്മാനങ്ങളും വിതരണം ചെയ്തു.

1 comment:

  1. I know the summer school programme. I want to participate the next batch of the programme. Please include me the programme.

    APPU. SS,
    Class. 9, VVHSS Nemom,
    SARANAM, Bhagavathinada PO,
    Balaramapuram - 695501.
    Ph.04712408399,
    9495192203

    ReplyDelete